الي الفخرلاجيتكم يامشاهير
والي الشرف لاقلت هذا مكاني
رجلي معودها طول السفر والتفاني
اشد وانزل واتحمل مخاسير
وحرص على خوه طوال اليماني
ماني بمملوك لعبد الدنانير
ولا ني بتبع فلان وإلافلاني
شاعر وأصور من خيالي تصاوير
ويشهد على فكري بفصاحه لساني
أشهر بتفكيري كما يشهر الطير
وأطلع على العليا وأكب الطماني
ولوكان في وجهي قريتوا تعابير
محد درى وش هي حكايه زماني
اجمع تجاعيد الزمن في تقارير
وأكتب على المظروف سرى عشاني
وأضحك وأنا في دخلي ينفخ الكير
وأصد عن هرج الضيف الجبناني
ياما ذكرت فلان وفلان بالخير
ولاني بشايل هم من هو نساني
حفرت في قاع الشقى والعنا بير
وطويتها والهم قام وطواني
وصرخت للمزنه وهلت شخاتير
واسقيت من روح ولا عادجاني
طبعي كذا والناس فيهم تباشير
والناس ماتدري عن اللي بلاني
أصوم سبع سنين وأفطر على بعير
أخير من يوم فطوره هواني
وختامها مني تحيه وتقدير
وشكري وعرفاني لمن هو دعاني
.. منقول ..